Güclü
dişağrım vardı və elə bir yerdə idim ki, nə həkimə nə dərmana əlim çatırdı.Mətbəxdə
əsəbi halda dolabları açır-bağlayır nəsə axtarırdım.Əlimə yarımçıq vodka şüşəsi
keçdi.Sevindim.Heç vaxt vodka içə bilməmişəm.Ilk qurtumu yerə tüpürmək - ən
uzağı buracan getmişəm.İçəcəkdim.Biraz boğazım yanar,istilik gələr,gözlərim
yaşarar,bəxtim gətirsə yataram hətta deyə
düşündüm.Dişağrını unutmaq üçün nəsə başqa bir qıcıq yaratmalı idim beynimdə.
Şüşə əlimdə
dolabları yenidən açıb bağlamağa başladım və bu dəfə nə axtardığımı bilirdim.Stəkan.Birdən
boynumun arxasında hənirti duydum:
-neynirsən?
Çevrildim.Anamın
həmişəki gileyqarışıq nigaran üzüylə burun-buruna gəldik.
-içəcəm
bəlkə ağrı keçər.
Qəfil
şüşəni çəkib əlimdən aldı, iti addımlarla dönüb getdi.Yarıaçıq qapıdan həyət
lampasının işığında anamın kölgəsinin
anbara girdiyini gördüm.Bir neçə dəqiqə sonra qayıtdı,qapını çəkib örtdü,pəncərənin
önündəki kitab qalağının içindən balaca,əl boyda bir kitab çıxarıb dodaqaltı nəsə
oxumağa başladı.Mənim ağrılarımın keçməsi
üçün dua edirdi.
İkiqat
olduğumu xatırlayıram.Qəfildən göbəyimin altından bir ağrı tutdu.Ani çəkdi və
ötdü.Boğazımda nəsə qalmışdı sanki,boğulurdum və gözlərimin lap dərinliyində
qaynar bir köz varmış kimi hiss edirdim.
O
vaxta qədər elə bilirdim ki,heç nə vecimə deyil.Ciddi-ciddi belə düşünürdüm.Nə
dünyanın o biri ucunda aclıqdan əziyyət çəkən uşaqlar,nə infilyasiya,işsizlik,nə
kiminsə atıb getməsi,nə kimisə unuda bilməmək – heçnə.Gördüm ki,elə deyilmiş.
İndiyəcən
görməzdən gəldiyim hər şey yığılıb taya olub və üstümə aşmış kimi idi.Mənə çətin
idi.Bunu öz-özümə etiraf etmək çətin idi əslində.
Kimsə
düşünə bilərki,bu adi bir şeydi,mən böyüdürəm hər şeyi.Bu vecimə deyil
deyil,çünki vecimədi artıq hər şey.Adi bir məişət hadisəsi ola bilər amma mənim
üçün ciddi travma idi və bütün müdafiə sistemimi çökdürmüşdü.Indi mən büsbütün
həyata,bu boyda dünyaya,bu qədər insanlara qarşı təmtək idim.
Gizləndiyim
yerdən çıxıb döyüşməliydim,heç kim və heçnə qalmamışdı, kürəyimi dayadığım
divarlar qopub tökülmüşdü.Ortalıq müharibə sonrasını xatırladırdı,dağıntıların
arasında uşaqlıqda itirdiyim bir dostumun acısı,ölən pişiyimin meyiti (itlər
quyruğunu qoparmışdı yazığın,quyruqsız pişik meyiti durur ortada,ilahi,bu nədi),arxasınca
gedə bilmədiyim sevimli peşə,rəfiqəmin ərə gedəndən sonrakı uzaqlığı,çıxıb gedənlərin
hamısı,unutduğum bütün şeylər,görmürəm dediyim bütün yaralar hamısı ortalıqda
idi,gözümün önündə,biz burdayıq,biz itməmişik,biz varıq deyə bağırırdılar və mən
hansına ağrıyacağımı,üzüləcəyimi anlamırdım.
Hər
şeyi və hamını son dəfə unutmaq qərarına gəldim.Birinci özümdən
başlamalıydım.Özünü qoyub getsən
kimsə sənlə gələ bilməz deyib kimsə,belə xatırlayıram,ya bəlkə özüm uydurmuşam,əmin deyiləm,unutduğum şeyləri xatırlayanda belə olur hər dəfə,əmin ola bilmirəm,büsbütün qayıtmır atdığım yerdən.
kimsə sənlə gələ bilməz deyib kimsə,belə xatırlayıram,ya bəlkə özüm uydurmuşam,əmin deyiləm,unutduğum şeyləri xatırlayanda belə olur hər dəfə,əmin ola bilmirəm,büsbütün qayıtmır atdığım yerdən.
Əvvəlcə
arzulardan başlamalıydım.Onları heç kimin görməyəcəyi yerlərdə gizlətməliydim,görüb
zərər verə bilməsinlər deyə.Gizlətdim.Bu dəfə də görmədikləriyçün tapdalayıb
keçdilər,vurub yıxdılar,dağıdıb tökdülər.
Özümü
bitirməliydim.İntihar filan düşünməmişdim əsla,ölmək yox,döyüşməyi
seçmişdim.Ölüm onsuz da vardı axırda.
Yazmağa
başladım.Yazıb bitirmək istədikcə çoxalırdım.Misra-misra artırdım,sətir-sətir
çoxalırdım,bu boyda həngamənin,bu qədər düşmənin arasında bir də mənlər
çıxırdı,artırdı,səpələnirdi ətrafa.Kaşki dost olmağa çalışsaydım onlarla.Amma təkliyi
beynimə yerləşdirmişdim.Hamıya qarşı vuruşmalıydım və çoxalan mənlər də hamının
sırasına keçirdi.Yazmaq vuruşacaqlarımı artırmaqdan başqa heç nəyə yaramırdı.
Yatmağ
istədim-hər şey bitəndən sonra ayılmaq.Hər dəfə
eyni yuxuya yatıb,eyni yuxudan eyni yerdə ayıldım.Hər şey məni gözləyirdi,mən
kabusla əlləşərkən gecəni onlar yatıb yuxularını almışdılar.
Və heç
nəylə başa çıxa bilmədiyim bir vaxtda səni gördüm.Həmin axşam qarnımdan başlayan,dişağrımı unutduran o
sancı kimi gəldin.
Mən dayanıb sənə baxıram və onlar üstümə gəlir.Qorxuram indi ilk dəfə.Amma onlardan deyil.Sən bilirsən.
Mən dayanıb sənə baxıram və onlar üstümə gəlir.Qorxuram indi ilk dəfə.Amma onlardan deyil.Sən bilirsən.
Yorğunam,sevgili.Dünyanın
ən soyuq silahı kimi daşıyıram indi cibimdə əllərimi..
Hiç yorum yok:
Yorum Gönder